Policia e Kosovës ka arrestuar shoferin e autobusit, i cili ishte i ndaluar në rrugë në momentin kur vetura me targa të huaja u përplas me të.

Si pasoj e këtij aksidenti çifti nga Malisheva mbetën të vdekur, ndërsa dy fëmijët e tyre po trajtohen në QKUK, shkruan arbresh.info.

Zëdhënësja e Prokurorisë Themelore në Prishtinë, Laureta Ulaj për arbresh.info tha se shoferi i dyshuar për veprën penale “Rrezikimi i trafikut publik me fatalitet” është ndaluar për 48 orë.

“Ju njoftojmë se pas ndërmarrjes së veprimeve hetimore nga ana e Prokurorit të Shtetit në koordinim të plotë me policinë, sot, me urdhër të prokurorit është ndaluar në kohëzgjatje prej 48 orësh, një person i dyshuar, shoferi i autobusit”, u shpreh Ulaj.

Sipas saj ndaj rastit po vazhdojnë të ndërmerren veprimet hetimore, me qëllim të ndriçimit të të gjitha rrethanave./arbresh.info/

LEXO EDHE

Fëmijët që shpëtuan nga aksidenti në Podujevë, janë jashtë rrezikut për jetë – Arbresh.info